ପୋଖରୀରେ ବୁଡି ନାବାଳକ ମୃତ,ମୃତକଙ୍କ ପରିବାରଙ୍କୁ ଭେଟି ସମବେଦନା ଜଣାଇଲେ ବିଧାୟକ ।
IYA NEWS ( Visit Us :- www.iyanews.com ) / ( Like Us : - Indian Youth Association - IYA News ) #ସାଧାରଣ_ଜନତାଙ୍କ_ସ୍ୱର
" ନୂଆ ଖାଇ ଭେଟ ଘାଟ " ଇ ବରଷ ଫିକା ପଡିଗଲା ।
ସୁନ୍ଦରଗଡ଼ ( IYA NEWS , ୨୨-୮-୨୦୨୦ ) : - ଆଏଲା ନୂଆ ଖାଇ ନୂଆ ତିହାର , ବବା ବଡି ସହେତେ ସବୁ ଗୁସିଆଁ ମାନକୁ ପାଦ ଛୁଇଁ କରି ଶହେ ଜୁହାର । ପଶ୍ଚିମ ଓଡିଶାବାସୀର ଲାଗି ଇଟା ଗୁଟେ ବଡେ ନି ବଡ ତିହାର ଆଏ । ଇଥିର ଲାଗି ଦିନା ଦଶେ ଆଗରୁ ବଡ ବଡ ପୁରଖା ଗୁସିଆଁ ମାନେ ବସି କରି ଲଗନଟେ ବହରାସନ । ଯେନ ଲଗନେ ମା ସମଲେଶ୍ବରୀର ଠାନେ ନୂଆ ଚଉଲ ଭୋଗ ଲାଗସି । ଇଟା ପରିବାର ଭିତ୍ତିକ ତିହାର ଆଏ । ଇ ତିହାର ପୂରା ପରିବାର କେ ଗୁଟେ କରିଦେସି । ଯିଏ ଯେନ ଥାଉ ପଛେ ନୂଆ ଖାଇ ଲଗନ ବାହାରିବା କି ଘରର ଗୁସିଁଆର ଡାକ ଶୁନି କରି ତାର ବତରେ ସଜ ବାଜ ହେଇକରି ଦିନେ ଦୁଇ ଦିନର ଆଗରୁ ଘରକେ ଢୁକିଥିବା । ଇ ତିହାର ଗୁଟେ ଏନତା ତିହାର ଆଏଯେ ଯେତେ ପ୍ରକାରେ ଯେନତେଇ ହିସାବେ ଅପଟ ହେଇଥିଲେ ବି ନୂଆ ଖାଇ ତିହାର ସମକୁ ମିଶେଇ ଦେସି । ବରଷକ ଗୁଟେ ତିହାର ଏନତା ଆଏଯେ ସଭେ ଗୁଟେ ଠାନେ ଜମା ହେଇକରି ଘରର ପୁରଖା ମୁନୁଷ ଆଉ ପୂରା ପରିବାର ସାଙ୍ଗେ ବସିକରି ମା ' ର ପରସାଦ ହିସାବେ ନୂଆଁ ଚାଉଲ ନାଇହେଲେ ନୂଆ ଚୂଡା ଭୋଗ ଲଗେଇ କରି ଖାଏସନ । ନୂଆ ଖାଇ ତିହାର ଆଗରୁ ଘର ଦ୍ବାର ସଫା ସୁତରା କରି ନୂଆ ରଙ୍ଗ ଦେଇକରି ଧୁଇ ପୁଛିକରି ରଖସନ । ଗଣେଷ ପୂଜା ଦିନ ଘର ଦ୍ବାର ଗୁବର ଦେଇକରି ଲିପା ପୁଛା କରିଥିସନ । ଇଟା ଗାଁ ଗଁଲି ମାନକେ ତିହାରର ଅଏନ ଜିନିଷଟା ଆଖି ଝଲସି ଯାଏସି । ନୂଆ ଖାଏବାର ଆଗର ଦିନ ବଜାର ହାଟ କରସନ ଯେ ସବୁ ପ୍ରକାର
Comments
Post a Comment